Јавна промоција на Компаративната анализа на законодавството посветено на заштита на децата жртви од насилство помеѓу Македонија и земји со контекстуални сличности ќе се одржи денеска во Скопје.
Покрај авторите на анализата, на настанот ќе се обрати заменик-министерот за правда Оливер Ристовски, претставникот на УНИЦЕФ во Македонија Бенџамин Перкс, претставничката на ЕУ Делегацијата во државата Вирве Вимпари, како и претседателот на Македонското здружение на млади правници Зоран Дранговски.
Македонското здружение на млади правници (МЗМП) ја организира промоцијата како дел од регионалниот проект „Заштита на децата од насилство и промовирање социјална инклузија на децата со попреченост во Западен Балкан и Турција“ со финансиска поддршка од Европската Унија и од УНИЦЕФ.
Компаративната анализа е подготвена од домашни експерти и во неа се посочени правните празнини во македонското законодавство на темата заштита на децата кои се жртви на насилство.