Министерството за образование преку Бирото за јавни набавки објави оглас за изработка на проект за реконструкција на Државното музичко училиште во Битола.
Рокот да се достават понудите истекува на на 1-ви октомври.
И додека се изготвува проект за реконструкција на музичкото училиште временските услови се влошуваат, а учениците во Битола учат во нехумани услови.
Прокиснат покрив, влага по ѕидовите, а водата од дождовите се собира со кофи. Родител кој се пожали на ектремно лошите услови за А1он објасни дека училиштето не ги задоволува минималните услови за одвивање на наставата.
Освен променетата фасада на музичкото училиште и сменетите стари прозори и врати со нови, проблемите остануваат нерешени.
Родителите посочија дека при поројни дождови вода капе од сите страни, а освен клупи во училниците се поставуваат кофи.
Во февруари годинава, протестот на родителите и учениците од музичкото училиште не донесоа промена во оваа образовна институција освен “фејс лифтинг“ на старата зграда.
Веста за лошите услови во музичкото училиште во Битола го обиколи светот, а веста заслужи внимание и од реномираниот CNN.