Професорскиот пленум: Продолжуваме со вонинституционално делување

Од:

Професорскиот пленум ја известува јавноста дека со денеска закажаната седница на Собранието на Република Македонија од 10.2.2015 година, на која е поднесен Предлог – закон за изменување на Законот за високото образование, не е испочитувано барањето на Професорскиот пленум за одлагање на примената на целиот пакет закони за високото образование до 2018 година, вклучително и Законот за воспитно – образовни установи за образование на наставен кадар во предучилишното воспитание, основното и средното образование.

Јавноста, посочуваат, е запознаена дека Професорскиот пленум бара одлагање на примената на целиот пакет закони за високото образование до 2018 година како неопходен предуслов за отпочнување на работата за изготвувањето на нови законски решенија. Одложувањето на примената на пакетот закони е со цел за изработка на комплетно нов закон што ќе одговара на состојбите и потребите на образованието во Република Македонија.

„Со оглед на повеќепати изневерените очекувања од правно и институционално спречување на штетните пакет закони во високото образование, Професорскиот пленум ја известува јавноста дека ќе продолжи со вонинституционално делување сè до ставање во мирување на целиот пакет закони за високото образование до 2018 година.Професорскиот пленум му се приклучува на Студентскиот пленум во прогласувањето Автономна академска зона на 11.2.2015“, велат од Професорскиот пленум.

Би можело да ве интересира

Рама повторно ги повика студентите на дијалог, овојпат на камена маса

Јаневска: Блиску сме до решение за студентскиот оброк, се разгледува ваучерски систем

Растат тензиите во Албанија: демонстранти ги запалија перничињата поставени како симболична покана за дијалог пред седиштето на Еди Рама

A1on

Левица: Планира ли некој да ја извести Јаневска дека студентскиот оброк, спротивно на Закон, три години не е покачен или свесно продолжува да лаже?!

Горан Наумовски

Левица: Три години студентскиот оброк e без усогласување, студентите се оштетени за 6,5 милиони евра

Горан Наумовски

Левица: ВМРОвскиот закон за студентски стандард со каталог на заострени казни го штити системот од студентите