„Професорскиот пленум изразува безрезервна поддршка на членовите на СОНК, охрабрувајќи ги да продолжат со штрајкот се до постигнување на крајната цел и исполнување на нивните барања.
Правото на штрајк е уставно загарантирано во Р. Македонија и никој нема право да го спречува, посебно не носителите на јавни функции и претставниците на власта.
Затоа, исклучително важно за демократскиот амбиент во државата е членовите на СОНК да бидат јавно поддржани од сите граѓани да истраат во нивната битка за остварување на зацртаните цели и подобрување на условите во кои работат просветните и културните работници.
Професорскиот пленум недвосмислено и јавно ги поддржува најавените протести организирани од СОНК кои се планираат во текот на оваа недела и ги повикува своите членови да се приклучат кон нив, изразувајќи на овој начин солидарност со своите колеги наставници“, се вели во соопштението на Професорскиот пленум.