На последната седница на Советот на општина Прилеп беше дадено зелено светло за проектот наречен „Супер Марио“, кој се однесува на помош на стари и изнемоштени лица. Носител на овој проект ќе биде домот „Киро Крстески – Платник“, кој преку обучени волонтери ќе им помага на 100-ина стари и изнемоштени лица.
Целта на овој проект е да им биде олесенет животот на старите лица што живеат сами во својот дом. Според претседателот на Советот на општина Прилеп, во проектот ќе бидат вклучени 15 волонтери за период од 12 месеци.
Проектот„Супер Марио“ предизвика поголема дискусија кај советниците, при што оние од опозицијата побараа и нивни член да учествува во комисијата за избор на волонтери, со што би се запазила стручноста,но и покрај поголемата дискусија проектот беше прифатен и поздравен од советниците како добра идеја за помош на оваа категорија граѓани.
А.Ш.