Во рамки на засилените акциски контроли во областа на сообраќајот Министерството за внатрешни работи во текот на вчерашниот ден на територија на град Скопје изрече вкупно 376 санкции.
Како што соопштија денеска од МВР, од вкупниот број санкции, за возење без возачка дозвола санкционирани се 23 лица, пречекорување на дозволената брзина на движење се 105 прекршоци, нерегистрирани и технички неисправни возила 22, додека 35 се санкционирани мотоциклисти и пет одземени мотори, 57 мерки за непрописно паркирани возила и 60 возила подигнати со пајак.
Изречени се и 100 санкции за неносење на заштитна маска.
Од МВР најавуваат дека засилените сообраќајни контроли продолжуваат и во наредните денови и апелираат до граѓаните да ги почитуваат сообраќајните правила и прописи за да ја зголемиме безбедноста во сообраќајот.