Продолжува собраниската расправа за избор на уставен судија

Од:

Собранието на Република Северна Македонија денеска треба да ја продолжи 140. седница.

Пратениците вчера во рамки на оваа седница ја почнаа расправата по предлогот за избор на судија на Уставниот суд. Станува збор за професорката на Правниот факултет „Јустинијан Први“ при УКИМ, Ана Павловска-Данева, да биде нова уставна судијка.

Предлогот Павловска-Данева дојде откако на 24 јануари по речиси една и пол година расправа во Собранието беше повлечен предлогот за доскорешниот републички обвинител Љубомир Јовески да биде уставен судија.

Пратениците, меѓу другите точки од дневниот ред ќе дебатираат по Предлог на законот за изменување на Законот за судска служба, по скратена постапка, Предлог на законот за изменување на Законот за јавнообвинителска служба, по скратена постапка, Предлог на законот за борба со допингот во спортот и негово спречување, по скратена постапка, Предлог на закон за ратификација на измените и дополнувањата на Конвенцијата за заедничка транзитна постапка (консолидирана верзија), Предлог на одлуката за именување на директор на Агенцијата за квалитет во високото образование, Предлог на одлуката за именување на членови на Републичкиот совет за безбедност на сообраќајот на патиштата, Предлог за именување на член на Советот на експерти на Агенцијата за супервизија на осигурување.

Вчера во рамки на 140. седница Собранието ги донесе измените на Законот за субвенциониран студентски оброк, измените и дополнувањата на Законот за игрите на среќа и за забавните игри, а ги изгласа и одлуките за испраќање на припадници на Армијата на Република Северна Македонија за учество во меѓународната операција на Европската Унија „АЛТЕА“, во Босна и Херцеговина и во меѓународната операција на Организацијата на обединетите нации „УНИФИЛ“ во Република Либан.

Би можело да ве интересира

Уставен не поведе постапка за законските измени за работните часови од Договорот со „Бехтел и Енка“

Катерина Ѓуровски

Апасиев: Ванковска и Левица го оспорија упатството за радиодифузери на АВМУ пред Уставниот суд

Орце Костов

Уставен ја укина одредбата од законот според која на лицата со тешка попреченост над 65 години не добиваа парична помош

Орце Костов

Собранието го донесе Законот за медиуми и други закони

Горан Наумовски

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски