Вчера полициски службеници извршија претреси во домот на Дејан Јованов, газдата на дискотеката „Пулс“ од Кочани. Претресени се неговото возило „инсигниа“ и два угостителски објекти, а претрес е извршен и во Државен пазарен инспекторат – Канцеларија Кочани.
Во домот на Јованов пронајдени и одземени се лап топ компјутери, повеќе мобилни уреди, документација и други предмети. Одредени предмети се одземени и од возилото и од угостителските објекти, а пронајдена и одземена е и финансиска документација.
Во ДПИ- Канцеларија Кочани пронајден и одземен е еден компјутер, еден лап топ компјутер и еден таблет, како и целокупната документација поврзана со правни субјекти во сопственост на Јованов.