Во однос на двата протестa што се случија во петокот и во саботата во Скопје, МВР продолжува со идентификација на нови лица врз основа на снимки и има определен напредок. Кога ќе се комплетираат сите информации, ќе ја информираме јавноста, изјави денеска министерката за внатрешни работи Гордана Јанкулоска.
– МВР ќе продолжи со идентификација на нови лица преку фотографии и снимки кои ги добивме од медиумите, но и со разговори со други лица очевидци или лица кои на друг начин можат да дадат информација за насилниците кои дивееја низ Скопје и вандалски се однесуваа оштетувајќи притоа имот. Она што најмалку може да се толерира е повредувањето на недолжни граѓани и полициски службеници кои професионално ја вршеа својата работна задача и должност, појасни министерката за внатрешни работи.