Во Собранието на Република Македонија денеска ќе се одржат продолженија на седници на комисиите за образование, наука и спорт и за политички систем и односи меѓу заедниците.
На дневен ред на продолжението на седницата на Комисијата за образование, наука и спорт е Предлог-законот за основање Универзитет за национална одбрана, безбедност и мир „Дамјан Груев” во Скопје и Предлог-закон за изменување на Законот за високото образование, во второ читање.
Комисијата за политички систем и односи меѓу заедниците на денешното продолжение ќе расправа по Предлог-закон за нотаријатот во второ читање.