Продолжен притворот на заканувачот Емил Јакимовски, пресудата на 6 март

Од:

Нови 30 дена притвор му биле определени на Емил Јакимовски, поранешниот вработен во Централниот регистар и член на ВМРО-ДПМНЕ, обвинет за загрозување на сигурноста на неговата поранешна сопруга и на новинарката Мери Јордановска.

Јакимовски беше пријавуван и дека се заканувал на новинарката од ТВ Алфа Искра Коровешовска, на директорката на Централниот регистар Марија Бошковска Јанковски, но и на градоначалникот на Кавадарци Митко Јанчев.

Јакимовски беше уапсен на 17 јануари, по пријавите на двете новинарки дека на социјалните мрежи и преку телекомуникациската мрежа „Телеграм“ им упатувал навреди и закани, но и по пријавата на неговата поранешна сопруга. Тој е веќе осуден за семејно насилство со условна казна затвор.

Денеска се одржа ново рочиште во кривичниот предмет на кое исказ даваше неговата поранешна сопруга и новинарката Мери Јордановска.

Поради изнесување на приватни околности, јавноста и на ова, како и на претходните рочишта беше исклучена со решение на судечкиот судија Џенете Бектовиќ.

Завршните зборови и изрекувањето на пресудата за Емил Јакимовски ќе се случат на 6 март 2020 година во Основниот кривичен суд во Скопје.

Би можело да ве интересира

Жител на Кондово по телефон се заканувал дека ќе убие дете и татко

Горан Наумовски

МВР: Полицаец во станица му се заканувал на својот командир

Уапсен е кумановец кој допирал, па и се заканувал на 28-годишна жена

Во Пријепоље уапсен маж кој му се заканувал на Вучиќ

Горан Наумовски

Маж од Арачиново со пиштол им се заканувал на вработени во ЕВН Македонија

Митко Јанчев пријави во полиција дека му се заканува сограѓанин