Денеска во Кинотека на Македонија, на свечен начин, со доделување благодарници за учесниците и за поддржувачите, беше затворена седмата по ред Детската ликовна колонија 2013.Оваа творечка манифестација традиционално ја организира Детскиот ликовен центар, а нејзин генерален покровител е Општина Карпош.
Благодарниците за учесниците ги додели Стевчо Јакимовски, градоначалникот на Општина Карпош, а поддржувачите на колонијата, пак, своите благодарници ги примија од претседателот на Детскиот ликовен центар, Владо Лазоски. Тој во оваа пригода ѝ се заблагодари на Општина Карпош за поддршката низ годините, како и за максималниот влог што таа го внесува во младите генерации.
На присутните им се обрати и советникот и член на Комисијата за јавни дејности, Зоран Поповски, кој на младите творци на сликарски дела им посочи дека најважно од сè е што тие зад себе оставаат креативна трага. Тој, исто така, се заблагодари на учесниците за повеќе од 100.000 цртежи кои стануваат траен белег на ентузијазмот со кој младите сликари партиципирале во оваа колонија.
Во своето обраќање до учесниците и присутните, пак, општинскиот татко Јакимовски изрази задоволство што денеска се гледаат резултатите од работата на учесниците во Детската ликовна колонија „Св Пантелејмон“, но и надеж дека поддршката што Општина Карпош ѝ ја дава на Ликовната колонија ќе биде поттик некој од младите таленти понатаму во животот да го избере сликарството за своја професионална определба.
– Општина Карпош се гордее со вас и со вашите ликовни творби и затоа ова ни е една од најдрагите манифестации. Ве поздравувам од името на Општина Карпош и посакувам да продолжите со љубовта кон уметноста, а оваа изложба нека биде уште еден поттик за вашето насочување токму во тој правец – рече градоначалникот Јакимовски на затворањето на Детската ликовна колонија.
Благодарници за соработката и за поддршката, покрај градоначалникот Јакимовски, добија и Владо Поповски, секретар на Општина Карпош, Сашо Лазаревски, претседател на Советот на Општина Карпош, Зоран Поповски, член на Комисијата за јавни дејности при Советот, Горан Михајлов, член на Комисијата за култура при Советот, Мирјана Поповска, раководител на Одделението за образование при Општината и Виолета Цветковска, раководител на Одделението за односи со јавноста при Општината.
Благодарници за учеството во Детската ликовна колонија добија: Сара Симоновска, Евгенија Трајковска и Ана Ѓорѓијоска од ООУ„Владо Тасевски“, Мартина Самаракова, Анастасија Ангелова и Маја Петревска од ООУ „Лазо Трповски“, Катерина Лазаревска, Леон Кирков и Софија Иванова од ООУ „Јан Амос Коменски“, Сара Петрушевска, Катерина Глигоровска и Илиријана Клица од ООУ „Војдан Чернодрински“, Анастасија Димова, Рафаела Стојановска и Софија Вучкова од ООУ „Петар Поп-Арсов“, Јана Василевска, Верче Мицевска и Сања Спасиќ од ООУ „Аврам Писевски“, Марија Милошеска, Кристијан Арсовски и Филип Несторовски од ООУ „Димо Хаџи-Димов“, Матеј Трајковски, Матеа Јованова и Ева Милева од ООУ „Христијан Тодоровски – Карпош“, Никола Стојановски, Дарко Апостолов и Јана Милевска од ООУ „Вера Циривири-Трена“, Хана Селмани, Резарт Хусени и Федерика Јована Донегати од ООУ „Братство“.
Во атриумот на Кинотеката, од денеска отворена е и Детската ликовна изложба „Св. Пантелејмон“, која беше плод на Колонијата.