Полицијата претпладне околу 10 часот приведе 38-годишен скопјанец за кого била распишана централна потерница за издржување затвор.
Како што соопшти МВР, полициски службеници од Оперативен тим потраги на подрачјето на Влае го лишиле од слобода Р.С.(38) од Скопје.
За него била распишана централна потерница од МВР и обезбедена наредба од Основен кривичен суд Скопје за издржување на казна затвор од 2 години и 6 месеци. Р.С. бил приведен во полициска станица по што ќе биде спроведен во казнено-поправна установа за издржување на казната.