Полициски службеници од ОВР Берово и ОВР Делчево лишиле од слобода тројца скопјани поради неколку кривични дела, известува Министерството за внатрешни работи.
– По преземени мерки и активности, полициски службеници од ОВР Берово и ОВР Делчево на 22.03.2021 ги лишиле од слобода А.Ш.(47),А.Х.(48) и С.Д.(37), сите од Скопје, поради постоење основи на сомнение дека истиот ден, на подрачјето на Берово сториле три кривични дела „тешка кражба на дрзок начин“, едно кривично дело „кражба“ во Виница и една „кражба“ во Делчево, при што од продажни објекти биле одземени разновидни производи, велат од МВР.
Украдените предмети се вратени на оштетените граѓани. По комплетирање на случаите, против лицата ќе бидат поднесени соодветни кривични пријави.