Две лица барани со судска наредба за издржување затворски казни се приведени од полицијата во тетовско соопшти денеска портпаролот на СВР Тетово, Марјан Јосифовски.
Тој потврди дека вчера околу 14 часот бил приведен 32-годишниот К.М. кој се барал за издржување затворска казна од шест и пол години поради неовластено производство и пуштање во промет на наркотични дроги, психотропни супстанци и прекурсори.
Вчера попладне со судска наредба бил лишен од слобода и Л.А. 23-годишниот од тетовското село Пршовце осуден на едногодишна затворска казна за кривично дело „недозволено изработување, држење и тргување со оружје или распрскувачки материи“.
По приведувањето двајцата се предадени за отслужување на затворските казни во „Идризово“ во Скопје.
