Две лица синоќа околу 23 часот го нарушиле јавниот ред и мир со пукање додека со Волксваген Буба се движеле по булеварот „Илинденска“ кај поранешен Автопрогрес во Тетово, информираше денеска портпаролот на СВР Тетово, Марјан Јосифовски.
По пријавата и преземените активности полицијата ги привела В.Т.(19) и Б.Љ.(17) и двајцата од Тетово кај кои е пронајден и одземен гасен пиштол Еко Магнум што го поседувале без дозвола, како и рамка со два патрони. При увидот биле пронајдени и три празни чаури.
Од двајцата приведени полицијата зела и парафински ракавици и работи на целосно расчистување на случајот.