Приведени четворица малолетници од Скопје за насилство

Од:

СВР Скопје ќе поднесе кривични пријави против четири малолетници од Скопје (двајца од 16 години, еден 15 и еден 12 години), поради постоење основи на сомнение за сторено кривично дело „насилство“ и против С.О., татко на 12-годишникот, поради постоење основи на сомнение за сторено кривично дело „запуштање и малтретирање на дете“.

Според пријавеното, малолетниците во петокот околу 19.30 часот на ул.„Александар Урдаревски“ физички нападнале друга група малолетници, при што 12-годишникот со остар предмет повредил 15-годишник, кој по укажаната лекарска помош во Градската општа болница „Свети Наум Охридски“, бил пуштен на домашно лекување, информираат од МВР.

Набргу потоа, пријавените биле пронајдени и со нив, во присуство на родители и социјален работник, бил извршен разговор во кој тие го признале делото.

Кривична пријава ќе биде поднесена и против С.О., бидејќи неговиот син, кој има под 14 години, употребил остар предмет при вршење на кривичното дело.

Би можело да ве интересира

Во Тетово уапсен скопјанец баран за затворска казна и за изнуда

Ана Ололовска

Почина 38-годишната кавадарчанка повредена во сообраќајката на автопатот Велес – Скопје

Ана Ололовска

Дедо го прегазил внукот при паркирање во тетовско Селце

Ана Ололовска

Жител на Браилово починал во пожар во неговата куќа

Ана Ололовска

Скопјанец лишен од слобода за криумчарење 36 мигранти во товарно возило

Ана Ололовска

Косовска државјанка нападната на паркинг во Скопје

А1он