Албанските државјани непријавени престојувале и работеле во Полошкиот регион, информира полицијата.
Тие за време на контролата биле затекнати на повеќе локации, од кои 32 на тетовските и 19 на гостиварските простори, најмногу од албанските погранични места Кукс, Либражд и Пешкопеја.
Најголеми број од приведените, на возраст од 17 до 57 години, поседувале документи за идентификација и патни исправи, меѓутоа не го пријавиле својот престој во нашата земја и биле ангажирани на црно, претежно во извршување на градежни и на земјоделски работи.
Сите се задржани во полициските станици во Гостивар и по целосното расветлување на сите поединости околу нивниот престој и работа во Полог ќе се соочат со соодветни законски санкции и депортирање во нивната матична земја.
Инаку, во последниве 6 месеци при полициски акциски контроли откриени се вкупно 98 странски државјани што непријавено работеле во Полошкиот регион. Најголемиот дел од нив биле државјани на соседна Албанија.
Г.М.