76-годишна жена од Делчево е приведена затоа што во индустриската зона предизвикала пожар. Пожарот предизвикал значителна штета.
– На 21.03.2025 во 14.45 часот полициски службеници од ОВР Делчево ја лишиле од слобода Д.Ѓ.(76) од Делчево поради тоа што во индустриска зона во населбата Милково брдо во Делчево предизвикала пожар, при што била опожарена сува трева и насад со сливи. По целосно документирање на случајот ќе следува соодветен поднесок, информираше МВР.
Центарот за управување со кризи информираше дека во земјава само вчера имало 28 пожари на отворено. Повикаа да не се палат стрништа и ѓубре.