Изутринава околу 10 часот СВР Штип го приведе лицето Ј.М. (42), вработен во Општина Штип како советник за управни работи.
Лицето е приведено под основано сомнение дека во текот на овој месец во неколку наврати упатило сериозни закани кон свој колега.
Според неофицијални информации што ги добивме од вработен во Општина Штип, заканите биле упатени кон градоначалникот Илчо Захариев.
Изутринава Ј.М. влегол во кабинетот на градоначалникот и почнал да го навредува, а потоа упатил и вербални закани по неговиот живот, по што вработен во Општината ја повикал полицијата. Ова не било прв случај Ј.М. да му заканува на градоначалникот пред другите вработени во Општината.
Ј.М. ѝ е познат на штипската јавност по неговото насилно однесување, а ова не е прв случај тој да се служи со закани и уцени за да ги реализира своите цели.
Штипската полиција до Основното јавно обвинителство во Штип поднесе кривична пријава против лицето Ј.М. поради основано сомневање дека сторил кривично дело „загрозување на сигурноста“ по член 144 став 3 од Кривичниот законик.