По претходно обезбедени сознанија за можна трговија со наркотички средства, завчера околу 23 часот на локалниот пат Боговиње – Камењане, во непосредна близина на добиточниот пазар во Боговиње, приведен е 26-годишниот С.И. од Боговиње.
Како што соопшти денеска МВР, при приведувањето од полициски службеници на СВР Тетово, кај лицето е пронајдена и одземена платнена торба, во која имало четири најлонски ќеси со непозната зелена тревкаста материја, најверојатно марихуана со вкупна тежина од околу три килограми.
Пронајдената тревкаста материја, според соопштението, е фотодокументирана и е испратена за вештачење, додека С.И. е задржан. По завршување на постапката ќе следува соодветен поднесок.