Приведен тетовец осомничен за предизвикување пожар на Шар Планина

Од:

Тетовската полиција лишила од слобода 44-годишник од градот кој на Шар Планина при подготовка да направи скара, запалил оган што се проширил, па изгорела поголема површина сува трева.

Според првичните информации од тетовската полиција, тој ќе се соочи со пријава за предизвикување општа опасност што подразбира кривична одговорност.

– Во неделата во 13 часот и 15 минути кај место викано „Голгота“, атар на с.Лисец, тетовско, полициски службеници од Полициско одделение Попова Шапка го лишиле од слобода Ф.Н.(44) од Тетово. Околу 12 часот на наведеното место, во нива, негова сопственост при подготовка да направи скара, Ф.Н. запалил оган кој се проширил при што изгорела поголема површина сува трева, соопшти денес СВР Тетово.

Завчера на две места сличен пожар на површина со сува трева и друг вид зеленило имаше и на две локации во близина на Попова Шапка. Таму интервенирале и тетовските пожарникари.

Би можело да ве интересира

Уругвајци тешко повредени откако излетале со мотор во кривипаланечко

Ја удрил со автомоби, па ја тепал сопругата со која се разведувале

Починат Турчин пронајден во хотел на Бит Пазар

Катерина Ѓуровски

52-годишник загина откако со мотор удрил во паркиран автомобил

Им зел 10 илјади евра за да „фати врски“ во судовите за пресуда во нивна корист

Катерина Ѓуровски

Групна тепачка во кумановски „Гарнизон“, приведени петмина