Вчера вечер во 20.25 часот, полициски службеници од СВР Скопје лишиле од слобода малолетник од Скопје, затоа што околу 19.30 часот, со употреба на сила, одзел пари од аптека на булеварот „Кузман Јосифовски Питу“, информира МВР.
– Кај него биле пронајдени парите и биле вратени на сопственикот. Во службен разговор во полициска станица, во присуство на претставник од Центар за социјални работи, тој го признал делото, соопшти МВР.
За случајот бил запознаен Јавен обвинител, а по негово целосно документирање против лицето ќе биде поднесена соодветна пријава.