Ноќеска, нешто по полноќ на место викано „Нова Петла“ во Гевгелија, полицијата привела 35-годишен жител на селото Ињево откако во камионот кој го возел биле пронајдени мигранти информира Министерството за внатрешни работи.
– На местото, полициските службеници запреле товарно возило „сканиа“, со прилепски регистарски ознаки, со полуприколка и при преглед во полуприколката биле пронајдени 88 лица мигранти (56 од Сирија, 21 од Пакистан, 10 од Индија и 1 од Јемен), од кои 12 се малолетници се вели во соопштението од МВР.
Мигрантите биле сместени во Прифатно-транзитниот центар „Винојуг“ во Гевгелија, а А.С. бил задржан во полициска станица. По целосно документирање на случајот против него ќе биде поднесена соодветна пријава.