Поранешниот градоначалник на Охрид, Александар Петрески утрово е приведен во полициска акција, неофицијално дознава А1он.
Во полициската акција, заедно со поранешниот градоначалник Петрески, утрово уапсени се и дел од вработените во Општина Охрид. Најголем дел од нив биле вработени во Секторот за комунален развој.
Најверојатно, тие се товарат дека се стекнале со против правна имотна корист од над два милиони евра.
Засега нема потврда од страна на МВР за полициската акција.
Петрески беше два мандати градоначалник на Охрид, како кандидат на СДСМ.
Повеќе детали се очекуваат во текот на денешниот ден.
Ф.Ј.