Од Министерството за внатрешни работи информираат дека е приведен кумановец за издржување затворска казна.
„На 28.09.2021 во 23.30 часот на ул.„Васка Петковска“ во Куманово, полициски службеници од СВР Куманово, врз основа на судска наредба, го лишиле од слобода Б.И. (35) од Куманово за издржување на казна затвор за сторено кривично дело по член 236 од Кривичниот законик за „тешка кражба“.
Тој бил спроведен во Казнено-поправна установа Затвор К’шање за издржување на казната“, велат од МВР.