Полициски службеници од ЕВР Кисела Вода – Отсек потраги, вчера во 19:15 часот на паркинг позади Народна банка по распишана потерница и наредба од Казнено-поправната установа Затвор Куманово, го лишиле од слобода М.Х.(52) од Скопје за доиздржување казна затвор од две години и три месеци.
Тој, информира МВР, бил приведен по претходно добиени сознанија дека околу 18:00 часот остварил илегален влез во Република Северна Македонија од Косово, каде што престојувал подолг период.
Инаку, М.Х. е познат сторител на кривични дела од областа на имотните деликти. Тој бил претходно осудуван и одлежал околу 20 години затворска казна. Тој бил предаден во Полициската станица Центар за понатамошна постапка од каде ќе биде спроведен во казнено-поправна установа.