Дваесет и едногодишниот О.М. од тетовското село Џепчиште кој на 25 декември избега од воспитно-поправниот дом во Тетово, синоќа е фатен и приведен од страна на полицијата.
Портпаролот на СВР Тетово, Марјан Јосифовски информираше дека О.М. е фатен во неговото село вчера околу 21 часот.
Тој на 25-ти декември минатата година не се вратил од отсутство во воспитно-поправниот дом во Тетово на доиздржување на затворската казна за убиство и по него била распишана потрага. Денеска тој е предаден на Казнено-поправниот дом Идризово-Отворено одделение Велес.
Приведениот О.М со правосилна судска одлука во мај 2007 година е осуден на затворска казна од една до пет години, а веќе издржал три години.