Полицијата од „Гостивар“ реализираше случај на недозволена трговија со наркотична дрога, при што од слобода лиши едно лице, македонски државјанин и заплени околу 20 грама непозната кафеава прашкаста материја и околу 2 грама непозната бела прашкаста материја.
Како што информираат од Министерството за внатрешни работи, вчера по претходно добиени оперативни сознанија дека лицето Н.Л.(59) од Гостивар се занимава со вршење кривични дела поврзани со недозволена трговија со наркотична дрога, и по добиена наредба за претрес на дом од судија во претходна постапка, полицијата изврши претрес на домот на лицето при што пронајде една полиетиленска ќеса со околу 20 грама непозната прашкаста материја со кафеава боја, најверојатно хероин и две помали полиетиленски ќеси со околу 2 грама непозната бела прашкаста материја, најверојатно кокаин. При претресот на домот пронајдени и одземени се и еден гасен пиштол марка „ECOL“, три куршуми со калибар 9 мм, 21 куршум со калибар 6,35 мм, 8.800 денари и 50 евра.
Пронајдените предмети се одземени и предадени на понатамошно вештачење, додека лицето Н.Л. е лишен од слобода и предаден во ПС ОН „Гостивар“ и против истиот ќе биде поднесена кривична пријава до Основно Јавно Обвинителство – Гостивар за сторени кривични дела „неовластено производство и пуштање во промет на наркотични дроги, психотропни супстанци и прекурсори” и „недозволено изработување, држење и тргување со оружје или распрскувачки материи“.