Во Основниот суд Скопје-1 вчера околу 10 часот од канцеларија на судија избегал А.Б.(29) од село Арачиново.
МВР денеска соопшти дека тој бил приведен и во 10 часот со писмена наредба бил предаден на судијата за итен притвор. Откако судијата ја потпишал наредбата и полициските службеници излегле надвор пред канцеларијата, А.Б искористил можност и избегал, односно скокнал преку отворениот прозор од канцеларијата.
Инаку, А.Б. секој понеделник се јавувал во судот во врска со случај за „криумчарење мигранти“.