Регионалниот центар за Граница Југ поднесе кривична пријава против Б.Д.(57) од Скопје, осомничен за сторено кривично дело „криумчарење мигранти“.
На патниот правец Гевгелија-Скопје, во близина на Неготино, вчера е извршена контрола на комбе „форд транзит“ сопственост и управувано од Б.Д., при што во возилото се пронајдени 12 илегални мигранти од Авганистан.
Како што денеска соопшти МВР, од страна на судија во претходна постапка на пријавениот му е одредена мерка притвор во траење од 30 дена, а странските државјани се сместени во Прифатниот центар за странци во Скопје.