Кривична пријава со мерка притвор од 15 дена му е изречена на Г.С.(35) од Тетово, полициски службеник во Полициската станица за безбедност во патничкиот сообраќај-Тетово при СВР Тетово, поради основано сомнение дека сторил кривични дела „предизвикување општа опасост“ и „тешки дела против општата сигурност“.
Како што информира МВР, пријавениот во петокот околу 9,50 часот, во дежурната просторија од Полициската станица, при проверка на огнено оружје – автоматска пушка испукал кон полицискиот службеник Ж.Ј.(51) од Тетово, на кого му нанел прострелни рани во пределот на абдоменот.
Повредениот поради сериозноста на повредите од Клиничката болница Тетово е пренесен во Ургентен центар Скопје, каде во саботата околу 10 часот им подлегнал на повредите.
Од извршен увид во просторијата пронајдени се автоматската пушка кал. 7,62 и рамка со 27 куршум и еден куршум во цевката, како и две испукани чаури.
