Лицето М.А. (1964) од Кавадарци е осомничено за убиство на Снежана Т. од село Сирково, чиј труп вчера беше пронајден во објект во Кавадарци, а од страна на надлежен судија му е одреден притвор во траење од 30 дена.
Како што информира попладнево портпаролот на СВР Велес Анита Стојковска, осомничениот, кој во текот на вчерашниот ден беше приведен и задржан во ПС Кавадарци, денеска заедно со кривичната пријава заради основи за сомнение за сторено кривично дело „убиство“, бил изведен пред Основнот јавно обвинителство Велес и Основен суд Велес.
М.А. ќе биде спроведен во Истражниот затвор Скопје, соопшти Стојковска.
Вчера околу 12.05 часот е пријавено дека во објект во Кавадарци е пронајдено мртво женско тело. По извршениот увид од јавен обвинител, увидна екипа и лекар при прегледот кај 40-годишната жена е констатирана смрт по насилен пат.
Заради утврдување на причините за смртта наредена е обдукција на телото на жртвата.