Надминати се недоразбирањата и постигната е согласност во неколку сегменти меѓу гранковиот синдикат и Министерството за здравство, констатираа денеска на прес-конференцијата специјалистите од прилепската општа болница.
Според доктор Сашо Димитриески, максилофацијален хирург се воведува квартална пресметка што значи дека учинокот ќе се пресметува секои три месеци.
– Од досегашните 0.98 – 1.01, сега е зголемен на 0.96-1.02 и се отвора можност лекарите да земат 100 насто плата. Поволно е договореното усогласување на коефициентите, а специјалистите добиваат и зголемување на платата од 19,2 насто во период од 15 месеци. Конкретно во февруари платата ќе биде зголемена за 4,8 насто, истакна меѓу другото доктор Димитриески.