Велешката полиција уапси двајца жители на Прилеп кои се возеле во автомобил „Ауди А3“ и претходно, на наплатната рампа на автопатот Скопје-Велес, откако биле запрени од сообраќајната полиција, впериле пиштол во полицајците, по што, во обид да избегаат, соопшти полицијата.
„На 05.07.2021 во Велес од полициски службеници од СВР Велес лишени од слобода се И.Д.(29) и П.Б.(42), двајцата од Прилеп, бидејќи во 19.55 часот кај наплатна рампа на автопат А1 Скопје-Велес, при обид за сопирање и контрола на патничко возило „ауди А3“, со прилепски регистарски ознаки, управувано од И.Д., П.Б, кој бил негов сопатник вперил пиштол кон полициските службеници, а во обид да избегаат ја оштетиле наплатната рампа“, се вели во соопштението од МВР.
„Полициските службеници испукале предупредувачки куршуми, а повредени лица нема. Известен е Јавен обвинител и по документирање на случајот против нив ќе биде поднесен соодветен поднесок“, додаваат од полицијата.