Со закитување на домовите со млади гранчиња и со одење во црквите прилепчани денеска го прославуваат верскиот празник Ѓурѓовден.
Градоначалникот на Прилеп Марјан Ристески ги посети манастирите и црквите во околината на градот каде традиционално се одбележува големиот христијански празник.
– На сите православни верници им упатувам искрени честитки по повод најголемиот христијански празник, Воскресението Христово – Велигден и Ѓурѓовден. Посакувам мигови на разбирање, љубов, надеж и бериќет во секој дом и Господ да ги поведе во радоста на празникот и во љубовта кон верата, изјави Ристески.
Тој упати честитки и до ромското население кое традиционално го одбележува празникот Ѓурѓовден.