Прилепчанецот К.П. (55) вчера околу 9 часот физички бил нападнат во неговиот дом на улицата „Скопска“ во Прилеп од страна на неговиот сосед И.Ј. (57) кој му нанел тешки телесни повреди.
Како што информира МВР, И.Ј. со вила ја отворил отклучената влезна врата од куќата, удирал по вратата, упатувал пцовки и повеќепати го удрил К.П. во пределот на главата и телото. КП. без свест бил однесен во Општа болница Прилеп каде му биле констатирани тешки телесни повреди и бил задржан на лекување.
Увид на местото на настанот извршила увидна екипа од Полициската станица Прилеп. И.Ј. е приведен и задржан во Полициската станица и по целосно документирање на случајот против него ќе биде поднесена соодветна пријава.