Заинтересираните за крстот во реката Вардар на централното скопско прославување на Богојавление/Водици, може да се пријавуваат од денеска.
Во денешниот број на „Нова Македонија“ излезе првиот купон, а за оние што го пропуштиле, купонот ќе се објавува во секој број на весникот заклучно со 14 јануари.
Пријавените ќе мора да донесат потврда за здравствената состојба од Институтот за спортска медицина.
Положувањето на крстот во водите на Вардар на Богојавеление ќе го изврши поглаварот на МПЦ, г.г. Стефан, од мостот кај „Холидеј ин“.
Според верувањата, оној што ќе го фати крстот цела година ќе има среќа, здравје и благосостојба.