Нешто по 14 часот на скопскиот аеродром „Александар Велики“ анонимно, засега непознато машко лице се јавило и на лош англиски јазик алармирало дека има поставено бомба на двата аеродроми во Скопје и во Охрид.
Екипи од антитероризам на МВР,согласно процедурите ги превзеле сите неопходни мерки, меѓу кои и евакуација на вработените и патниците.
Портпаролот на МВР, Иво Котески за МИА информира дека досега е проверена новата аеродромска зграда и ништо не е пронајдено. Исто така превземени се мерки и на охридскиот аеродром, каде засега антитерористичките екипи не пронајдоа ништо сомнително. Сепак, полицијата се уште ги превзема сите неопходни мерки, се до утврдување на идентитето на лицето кое пријавило.
Од МВР посочуваат дека најверојатно се работи за лажна тревога.
