Советот за оценка на обвинителениот акт поднесен од Основно јавно обвинителство, а во јавноста познат како „Моќник“ против 13 лица, донесе решение со кое приговорите на обвинетите се одбиваат како неосновани, соопштија од Кривичен суд.
Од Судот истакнаа дека обвинителниот акт се одобрува во целост.
„Моќник“ се води против 13 лица, меѓу кои пратеникот Антонио Милошоски, неговиот татко и против поранешниот претседател на комисијата за лустрација, Томе Аџиев оти заеднички издејствувале да се продаде за 100 денари по квадратен метар, објектот во кој биле сместени администрацијата и градоначалникот на Општина Пласница.
По предметот, пред неговото преземање од Основното јавно обвинителство Скопје, постапуваше Јавното обвинителство за гонење на кривични дела поврзани и кои произлегуваат од содржината на незаконското следење на комуникациите.