Владата на редовната 88-ма седница прифати програма за изменување на програмата за потребите од специјалистички и супспецијалистички кадар, согласно со мрежата на здравствени установи за 2018 година.
– Програмата е изготвена врз основа на податоците и консултациите со јавните здравствени установи во Република Македонија, кои потоа беа предмет на детална анализа за потребите од здравствениот кадар во сите јавни здравствени установи, соопшти владината прес-служба.
Реализацијата на оваа програма ќе овозможи обезбедување на потребниот број стручен кадар за нормално, квалитетно, ефикасно, континуирано, ефективно и рационално вршење на здравствените услуги во јавните здравствени установи.