СОУ „Ѓошо Виќентиев“ од Кочани од денеска ширум ги отвори вратите за идните средношколци со цел претставување на постоечките и новите струки и профили во училиштето на кои што ќе можат да се запишат учениците.
Од новата учебна година има промена во бројот на ученици што може да ги прими установата, како и во одредени профили и струки. Воведени се нови реформирани профили. Одредени промени има и во дел од постоечките, со што се менува и бројката на ученици за упис и бројот на паралеките.
– За наредната учебна година нашето училиште може да прими 442 ученици распоредени во 13 паралелки и тоа пет во машинската струка во постоечките профили. Измените во однос на минатата година се во профилите инсталатер за цевни водови, заварувач и обработувач на метал. Значи профилите маталостругар и машинобравар веќе не постојат заменети се со овие профили. Во електро струката имаме предвидено седум паралеки. Промените во оваа струка се однесуваат на новата комбинирана паралелка електромеханичар- автоелектроничар и втората паралелка со тригодишно образование електромеханичар за компјутерска техника и технологија. И новина од оваа година е воведување на двегодишно образование а тоа е паралелката автоелектричар, изјави Димче Сребренов, в.д директор на СОУ „Ѓошо Викентиев“ од Кочани.
СОУ „Ѓошо Викентиев“ е регионален центар поради што во наредните денови се очекува училиштето да го посетат и ученици од соседните општини кои ќе се запознаат со новите профили на образование што ги нуди училиштето.