Фондацијата „Фридрих Еберт“ – канцеларија Скопје, во соработка со Прогрес – Институт за социјална демократија, ќе презентира три документи од областа на образованието произлезени од првиот Форум за јавни политики – проект инициран оваа година.
– Првиот Форум за јавни политики се фокусираше на образовните политики во сите степени на образование и понуди целосни и кохерентни решенија. Преку континуирана работа во текот на годината, експертска поддршка, споделување практични искуства и континуиран дијалог со сите релевантни чинители од академската и професионалната заедница, учесниците на Форумот добија можност за подлабоко проникнување во образовниот систем во Македонија и креирање предлози и документи за политики на теми на кои тие самите ги издвоија како приоритет во сферата на реформите во образованието во Република Македонија, соопштија организаторите.
Целта на проектот Форум за јавни политики е да обезбеди платформа за развој и промоција на јавни политики во различни општествени сфери во духот на вредностите на социјалната демократија.