Во организација на Институтот за европска политика (ЕПИ) денеска ќе се одржи тркалезна маса на која ќе биде презентирана работната верзија на анализата за проценката на влијанието на регулативата на Законот за судови.
На тркалезната маса најавено е учество на министерката за правда Рената Дескоска, судијата во Врховен суд и претседател на Здружение на судии, Џемали Саити, дректорката на Институтот за европска политика – Скопје, Симонида Кацарска, програмската директорка во Институтот за демократија „Социетас Цивилис“ – Скопје, Ивана Најдоска и истражувачот во Институтот за европска политика – Скопје, Ива Цоневска.
Проектот „Примената на проценката на влијанието на регулативата (ПВР) врз Законот за судови“ е поддржан од Институтот за демократија „Социетас Цивилис” Скопје (ИДСЦС) во соработка со Центарот за економски анализи (ЦЕА), во рамки на проектот „Проценка на влијанието на регулативата во сенка: Промовирање на креирање политики базирани на докази“, финансиран од Европската Унија.