Во Скопје денеска ќе биде означен почетокот на работата на акцелераторот и академијата за ЕУ фондови и грантови која почнува од 6-ти aприл (eufundingaccelerator.mk), a ќе бидат презентирани и искуства и проекти финансирани од ЕУ во изминатите години.
Ќе бидат претставени и иновативни проекти во нивна почетна, тековна, напредна фаза, како и завршени проекти од неколку програми на Унијата.
Ќе биде претставена и првата платформа за поврзување во ЕУ (euconnected.net) која почнува со работа на 6-ти март оваа година.
Со платформата е предвидено криерање свој профил преку кој заинтересираните ќе можат да најдат партнери за проекти на ЕУ, пракса, летна размена или вработување во земји-членки на Унијата, потоа поврзување на стартап компании, иноватори, инвеститори и бизнис-ангели од ЕУ и регионот.
Како втор дел од настанот ќе биде и презентацијата на проектот Иновативно Кулинарско Искуство 2017, преку кој во Скопје ќе дојдат светски познати готвачки имиња од неколку континенти кои ќе одржат едукативни работилници во текот на една недела во Скопје и Охрид во октомври оваа година заедно со 7 континенти (www.7continents.com.mk).