Во официјална посета на Република Македонија денеска престојува претседателот на Големото турско Собрание Џемил Чичек.
Негов домаќин е претседателот на Собранието Трајко Вељаноски, со кого Чичек ќе оствари тет-а-тет средба. Во Парламентот на Македонија, претседателот на Големото турско собрание ќе разговара и со претседателот и членовите на Парламентарната група за соработка со турскиот Парламент. Чичек ќе се потпише во книгата за впечатоци, а ќе положи и цвеќе на Споменикот на паднатите херои за Македонија.
Претседателот на Големото турско Собрание Чичек е во возвратна посета на Македонија. Во посета на Големото турско собрание во Анкара во јуни оваа година престојуваше претседателот на македонскиот Парламент.
Во рамки на посетата Чичек ќе биде примен и од претседателот Ѓорге Иванов.
Попладне Чичек заедно со другите членови на делегацијата ќе го посети Турскиот културен центар Институтот Јунус Емре, а ќе оствари и низа други средби.