Претседателот на Државниот збор на Република Словенија Милан Брглез денеска ќе има обраќање во Собранието на Република Македонија во рамки на неговата официјална посета на земјата.
Брглез со високи државни и воени почести ќе биде пречекан на главниот влез на Собранието од страна на претседателот на македонскиот Парламент Талат Џафери. По пречекот Џафери и Брглез ќе имаат средба.
Во Собранието претседателот на словенечкиот Државен збор ќе има и заедничка средба со претседателите на комисиите за надворешна политика и за европски прашања, Антонијо Милошоски и Артан Груби.
За време на посетата, Брглез ќе се сретне и со вицепремиерот за европски прашања Бујар Османи.