Претседателот на македонското Собрание се сретна со хрватскиот претседател Јосиповиќ

Од:

Македонија и Хрватска немаат отворени прашања, а билатералните односи на сите полиња во изминатиот период се во постојан подем. Ова го констатирале на денешната средба во Скопје претседателот на Собранието на Република Македонија Трајко Вељаноски и хрватскиот претседател Иво Јосиповиќ.

Вељаноски, како што соопшти неговиот Кабинет, на средбата истакнал дека со приемот на Хрватска, Република Македонија доби уште еден пријател во европското семејство, потсетувајќи дека евроатлантските интеграции беа определба и константа на двете држави.

Претседателот на македонското Собрание истакнал дека двете држави заедно го одеа овој пат, но поради познатите причини, Република Македонија беше блокирана од страна на јужниот сосед.

На средбата станало збор и за унапредувањето на парламентарната соработка, за која Вељаноски истакнал дека е успешна и дека е значаен инструмент во градењето на севкупните билатерални односи.

Двајцата соговорници разговарале и за актуелните политички случувања во Македонија и Хрватска.

Претседателот на Република Хрватска на средбата истакнал дека како и досега, така и во иднина, Хрватска во целост ќе ги поддржува евроатлантските интеграции на Република Македонија, како и во пренесување конкретно искуство во политичката и во техничката сфера за побрзо интегрирање во Европската унија. Тој се осврнал и на положбата на хрватското малцинство кај нас и македонското во Хрватска, истакнувајќи дека и двете држави преземаат конкретни мерки за зачувување и развивање на нивната положба во самите држави. Во однос на спорот со нашиот јужен сосед, Република Хрватска, како што се наведува во соопштението, ќе го поддржи секое решение што е прифатливо за нас.

На средбата Вељаноски и Јосиповиќ размениле мислења за економијата, одбраната, транспортот, земјоделството и туризмот во двете држави, за кои се согласни дека треба на меѓусебен план уште повеќе да се унапредуваат.

Би можело да ве интересира

Пијан возач премина во спротивната лента – загина жена

А1он

Маскирани хрватски полицајци претепале мигранти на границата со БиХ, пет лица со скршеници

Нови оставки во хрватската психијатриска болница по смртта на 32-годишниот пациент Кристијан Периш

Собранието го донесе вториот ребаланс на Буџетот за 2026 година

Милошоски: Измени на Кривичниот законик за намалување на ризиците поврзани со членството во СЕПА

(ВИДЕО) Опозицијата го критикува вториот ребаланс на Буџетот: Висок дефицит и намалени капитални инвестиции