Дваесет и пет годишниот С.П. вчера рано утрото бил претепан од четворица скопјани на возраст од 22 до 37 години на бул.„Партизански Одреди“ поточно во ТЦ „Порта Влае“.
Напаѓачите го удриле со шише по главата, а еден од нив, Ж.П., со нож му нанел повреда во пределот на левата надлактица.
Повредениот скопјанец со возило на Брза помош бил пренесен во ГОБ„8-ми Септември“ за укажување на лекарска помош , каде му се констатирани телесни повреди.
Од разговорот со С.П. полицијата дознала дека причина за физичкиот напад била предходна расправија на фејсбук со горенаведените лица.
По кратко време пронајдени се и приведени осомничените лица извршен е разговор со истите и по целосно расчистување и документирање на случајот, против истите СВР Скопје ќе поднесе соодветна кривична пријава.