Мислењето на Венецијанската комисија (Европска комисија за демократија преку правото) и на ОБСЕ/ОДХИР за Изборниот законик во Македонија е изработено по барање на Комисијата за следење на обврските на земјите членки на Парламентарното Собрание на Советот на Европа (ПССЕ), таканаречената „Мониторинг комисија“, откако претходно Комисијата даде свои видувања при изработката на Законикот.
-За да се обезбеди интегритетот на изборниот процес, како и за подобрување на довербата на јавноста, што е од клучно значење, потребно е Изборниот законик да се спроведува целосно и ефективно, сметаат меѓународните правни експерти кои го разгледаа новиот Изборен законик на Република Македонија.
„Брзото донесување на законот во ноември 2012, без консензус од опозицијата, доведоа до закани за бојкот и продолжување на роковите за пријавување на кандидати за локалните избори“, се вели во мислењето на Венецијанската комисија и ОБСЕ/ОДИХР.
Експертите во таа прилика ја истакнуваат важноста на инклузивноста на процесот и конструктивен дијалог меѓу сите политички сили и засегнатите страни во какви било понатамошни измени и дополнувања на Изборниот законик на земјата.
